WILLEMSTAD.- Djasabra próksimo Fiona Jamanica ta biaha pa Salvador kaminda lo e bai partisipá na e sertámen di mas grandi di teenager ku ta ‘Miss Teen Mundial 2018’ ku ta konta ku partisipashon di mas ku 25 pais. Fiona ta bai representá Kòrsou bou dje organisashon ‘Curaçao International Crowned Queens’ ku tin Gionel Virginie komo direktor. Huntu ku nan lo biaha tambe e estilista di Miss Venezuela Universe ku lo ta enkargá ku su kabei i makiahe, Oskarovsky Boyer. Na Salvador lo tin un siman kompletu di kompetensia. Dia 26 di yüli lo tin e preliminar i e gran final ta tuma lugá dia 28 di yüli. Por sigui Fiona riba e página di facebook i Instagram ofisial di e sertámen di Miss Teen Mundial i por vota pa Fiona por kai den e 12 semi finalistanan.