WILLEMSTAD.- Fundashon Karnaval Banda Abou (FKBB) kier a partisipá na abitantenan di Banda Abou i Kòrsou en general  ku inskripshon pa elekshon di Reina Prens i Pancho Grandi pa Banda Abou a sera.
Inskripshon pa elekshon di Reina Hubenil si ta habri ainda. Skolnan ku kier manda un representante lo ta altamente apresiá.
FKBB kier yama un danki na tur grupo di Karnaval i Skolnan ku a depositá nan konfiansa den FKBB i a manda un representante
Mirando e temporada kòrtiku di Karnaval 2018, FKBB a ranka sali mes ora ku preparashon di nos partisipantenan pa Reina Prens i Pancho. Dia 9 i dia 16 di desèmber 2017 e partisipantenan lo partisipá na dos workshop Public speaking i “Social Media”  di 10’or pa 12’or di mèrdia na Roodeweg 174.
Lo respetá e dianan di fiesta i despues lo sigui ku e treinen bou di kordinashon di FAK riba fechanan 6, 13, 20, 27 yanüari na Parke Himno i Bandera na Banda Abou.