WILLEMSTAD.- Ayera personal di Fundashon Kas Popular a klousura ‘Siman di Kultura’ demostrando nan arte komo pintor.
Ku e tema ‘Tur kabes den mesun direkshon’ e personal di FKP a keda repartí den grupo i kada mesa a risibí un tópiko pa kua kada trahadó den forma individual lo mester a pinta un plachi chikí ku numerashon.
Plachinan ku a ser pinta ta bira number di kas pa kasnan di Fundashon Kas Popular den área di Rif i Otrobanda. Ku esaki FKP ta duna bek na komunidat i na mes momentu ta aportá pa efisiensia di trabou dor di duna tur su kasnan den Otrobanda un number.
Riba potrètnan nos por apresiá e personal demostrando nan arte komo pintor.