WILLEMSTAD.- Ayera a drenta e informashon ku e konosido ‘Payaso Pipo’, Francis Faries a fayesé. Den dékada 80 i 90, Francis Faries a bira hopi popular komo ‘Payaso Pipo’ kaminda na un manera úniko el a sa di entretené públiko, spesialmente e hóbennan. Francis tabata kantante tambe i na 1988 a partisipá den Festival di Tumba ku e komposishon ‘Ey mes’ kompañá pa Clark & Surprise. Ku Dios duna Francis deskanso eterno.