PARIS, AP.- Presidente di Fransia, Emmanuel Macron i kansier aleman Angela Merkel a komprometé pa un akuerdo bilateral nobo pa mehorá e koperashon entre ámbos nashon.
Atraves di un komunikado konhunto emití djadumingu, ámbos lider a señalá ku nan lo purba estrechá lasonan ekonómiko i un akuerdo relashoná ku impuesto.
Ademas, nan kier desaroyá un postura diplomátiko en komun, impulsá un koperashon riba temanan di eksterior i seguridat, inkluyendo e kombate di terorismo, i “defendé interes i balornan en komun entre Fransia Alemania muchu mas efikas”.
E komunikado a wòrdu programa pa konmemorá e 55 añanan desde firmamentu di e tratado di amistat di Eliseo di 1963, kual a marka e rekonsiliashon entre ámbos nashon despues di Segundo Guera Mundial.
Ambos lider tambe a komprometé pa mehorá e koperashon di edukashon i investigashon i den desaroyo di e proposishonnan konhunto pa protekshon di klima.