WILLEMSTAD.- Riba 9 di yüli próksimo e konosido dj i produktor, Jay Stax, lo saka su mixtape nobo titulá ‘StaxTape vol.2’ bou dje kas diskero ‘The Dutch Antillean League Label’.
E mixtape nobo aki ta un eksperimento yen di ideanan fresku i "out of the box" miéntras ku el a keda serka di su raisnan i influensia musikal di Dancehall, Bubbeling i ku e karakterístikanan di Karibe.
Ta henter un mundu nobo lo bo tende i si bo a yega di tende su produkshonnan anterior lo bo bin ripara e variashon i avanse total. E label ta primintí tambe, eksperimentonan ku konseptonan nobo kual ta bai kibra hopi bareranan den aña 2017 aki.
Miéntras ku e debut mixtape di aña pasa, "StaxTape Vol. 1" ta hañando ketu bai masha míles di hits i ta wòrdu sigui pa hopi. E mixtape nobo aki lo pone e strea musikal nobo Jay Stax riba su mes stage. "StaxTape Vol. 2" ta optenibel awor riba ‘The Artist Union’. Buska di bo awor, e ta grátis.
Jay Stax ta planiando su promé ‘Summer Tour’ na Europa den yüli 2017, ku ‘live sets’ huntu ku dj nan renombrá den e género . Mas informashon ta sigui pronto.
Pa presentashon por yama Jay Stax na 686-8192.