WILLEMSTAD.- Djamars dia 20 di novèmber próksimo Freewinds lo ta anfitrion pa un konsierto pa rekoudá fondo pa e malesa Papilloedema (Awa den nèrvio di wowo ku ta kousa pèrdida di bista). E konsierto titulá ‘Full Filled Fundraising Concert’  lo ta di 8 or pa 10 or di anochi.
Den momentunan krusial pueblo di Kòrsou ta bini huntu pa sostené loke meresé. Un elenko formidabel di artistanan lokal a uni forsa pa pone atenshon na i rekoudá fondo pa kombatí e malesa Papilloedema.
Den wowo di kada persona tin dos tipo nèrvio, esun ku ta pone wowo move pariba i pabou, esun ku ta dirigí nos bista pa bo por mira. Den e malesa aki e nèrvio di mira yamá nèrvio óptiko ta hincha i pone hopi  preshon den e kabes. Tin dia un persona ku e malesa aki tin hopi doló di kabes, su wowo ta kore awa pa yuda baha e preshon. Tin biaha e por lanta sin por mira pa un ratu o ta mira raya.
E konsierto di djamars awó riba e barku Freewinds ta pa rekoudá fondo pa aliviá e malesa aki. Pues bin bo tambe  sostené  e noble kousa aki, miéntras bo ta gosa di presentashon di artistanan lokal manera Andre Dicke; Kadir Snijder: Louella Rijks; Farley Lourens; Reinier Lijfrock; Dennis Cicilia; Glendry  Raphaela; Hendrik de Windt; Andy Passial i Rigshendely Mauricia.
Un konsierto tur afó pues ku ta bale la pena presensiá. Bini i invitá maske ta un konosí. Kòrsou, bo ta grandi i nos mester di bo.
Karchi ta na balor di 35 florin i ta optenibel serka: sr. Stanley Gijsbertha 561-3306;  sra Sahaira Bloem 511-1603; sra Judel Gijsbertha 660-0306/ 529-1875; Tattoo by Lou Carthagenastraat 1d i serka Louella  & Des Rijks .
Bin gosa di un tremendo konsierto i koperá ku un bunita kousa.