WILLEMSTAD.- Fun Miles ta selebrá su 20 aniversario durante di henter e aña aki. E programa di spar i troka mas grandi den Caribe ta gradisí tur miembro ku ofertanan atraktivo. Pa kontinuá ku e selebrashon Fun Miles a partisipá na e marcha di Seú siman pasá i awó ta kla pa e marcha di Bándabou den e grupo di seú Paniweri.
Fun Miles lo repartí un bunita wairu pa esnan kant’i kaya. Tambe miembronan tin chèns pa gana 20.000 Fun Miles. Partisipashon ta fásil. Djis saka un potrèt ku un di e miembronan di Fun Miles. Bo ta rekonosé nan na e trahe koló hel. Kompartí esaki riba bo Facebook òf Instagram usando e hashtag #wapafun. Nos ta saka e ganadó dia 24 di aprel próksimo.
Sigui e selebrashon riba social media
Fun Miles lo tin un ‘salú ku bolo’ pa tur hende, den transkurso di henter aña, esaki den forma di hopi oferta, evento i promoshon. Por menshoná ku dia 20 di mart último, a sorpresá 20 miembro di Fun Miles na Bob Carwash ku 20 florin grátis pa laba outo. Lo tin hopi mas di e sorpresanan aki pa miembronan di Fun Miles. Si bo no ke pèrdè e ‘fun’ sigui nos riba social media. Fun Miles ta spera di por keda eksplorá e ‘fun’ huntu ku Kòrsou pa hopi aña mas.
Mas informashon tokante Fun Miles?
Tuma kontakto ku servisio na kliente na number 465-3300, bishitá funmiles.net òf facebook.com/funmiles.