SAN FRANCISCO,USA (AFP).- E fundadó di SpaceX i Tesla, Elon Musk, ta furioso pa un akuerdo entre Apple i e firma di inteligensia artifisial OpenAI, i a señalá ku e menasa kontra di seguridat di datonan lo pone ku lo e prohibí uso di iPhone den su kompanianan. “Apple no tin noshon di kiko realmente lo pasa una bes e entregá tur su datonan na OpenAI. “Nan ta traishonando bo”, segun Musk a skirbi riba ret sosial X.
E mionario ku esei a reakshoná riba e anunsio di un akuerdo entre Apple i e kreadornan di ChatGPT ku a derivá den e presentashon di Appel Intelligence, un sistema pa optimalisá e uso di diapositivonan dje firma mediante un inteligensia artifisial (KIA) generativo.
Den sentro dje sistema, e empresa di Cupertino (California) a koloká su asistente virtual Siri, ku tabata un aktualisashon radikal. Pa alkansá e meta ei, e empresa a asosiá ku OpenAI. “Nos ta felis di kolaborá ku Appel pa integrá ChatGPT (e robo di OpenAI) den su aparatonan mas leu e aña’ki. “Mi ta kere ku nan lo gust’e”, segun e direktor general di OpenAI, Sam Altman, a skirbi riba X.
“Nos ta kere ku Apple Intelligence lo ta indispensabel den produktonan ku ya tin un ròl esensial den nos bida”, segun e direktor general di Apple, TimBook, den un presentashon online.
