WILLEMSTAD.- Inspirational Week 1 ta un proyekto di un siman inspirativo titulá 1 Focus Diferente. For di 2016 Fundashon 1 Focus Diferente a organisá esaki te ku awor. Inspirational Week 1 ta keda organisá pa studiantenan di skol avansá.
Durante di Inspirational Week 1, Eldrion Regina huntu ku diferente artista i otro figuranan konosí a trata via di nan eksperensia di bida, pa inspirá nos hóbennan pa nan por tin mas konfiansa den nan mes i focus riba e kaminda korekto.
Inpirational Week 1 a tuma lugá e aña aki di 11 di aprel pa 17 di aprel na Sentro pa Desaroyo Integral Israël Leito (SDIIL).
E aña aki e fundashon tabatin Akisha Albert komo e oradó prinsipal. Akisha a konta di su retonan den bida i su reto pa partisipashon den sertámen di Miss Universe. Tambe nos tabatin Dibo D ku a konta kon e tabata a punto pa ‘give up’ su partisipashon na festival di tumba 2019.
E artistanan dje aña aki tabata Dezz, Chaika, Mason, Dju Dju V, Ray Lauffer, Yentje i riba su violin nos tabatin Christopher “CJ OPUS” Lopez.
E programa di Inspirational Week 1 2019 tabata un éksito un biaha mas. E aña aki 13 skol ku un kantidat di mas o ménos 2.000 hóben a partisipá na Inspirational Week 1.
Na final di e dia e hóbennan tabatin e oportunidat pa por a saka potrèt ku e artistanan, kual e hóbennan a gusta mashá.