WILLEMSTAD.- Ayera tardi Fundashon Alelimo a pone énfasis na e echo ku Dibo Doran ta e promé tumbero ku a gana Tumba Hubenil i tambe ganadó di Festival di Tumba 2019. E idea a bin di Anralice Dap i Fundashon Alelimo a brasa esaki mesora.
Pizza Hut a regalá su espasio pa e rekonosementu aki i ‘Believe’ a enkargá ku e opsekio ku ta un obra di palu ku a pone énfasis riba;
Lèter D di Gliter - Dibo ta ‘shine’; E korona - Rei di Tumba; Kurason - tur e deseonan i palabranan di pabien i sentimentu di alegria ta di kurason; Firma nan - un grupito chikí ku Dibo a kontagiá atraves di su músika i E palu - e motivashon pa den tempu bon i den tempu difísil para fuerte i positivo.
Dibo a risibí tambe un kadobon pa tuma su masashi full body na nòmber di ‘Marry Magic Hands’.
Dibo mes a keda sorprendí pa e rekonosementu. ‘Ma pensa ku un presentashon mi tin, ma drenta haña un otro sorpresa. Mi ta den un fase di haña yen sorpresa, un tras di otro. Mi mes no a para ketu riba e historia ku a keda marka aki, ku mi a bira e promé tumbero ku a gana hubenil i tambe grandi. Tin un motibu mas pa mi inspirá bosnan. Tin Un motibu mas pa mi motivá kada un presente. Tin un motibu mas pa mi motivá Sontje i delaster un partisipante ku ta aki presente. kada un di boso presente. delaster un hóben ku ta presente. Mi no tin palabra pa gradisí.
Mi ta mira ku e opsekio aki ta hasí di kurashon pasó e  ta bin dilanti laga mi yam’é humilde. E deskripshon dje obra ku Niata a duna a pone hasta ma emoshoná un tiki atrobe. emoshoná. Sa ku mi tambe stima kada un di bosnan masha hopi mes. Danki ku mi por konta ku boso apoyo i bosnan sosten. Danki ku a permití mi di inspirá kada un di bosnan pa logra bosonan metanan’.
Ku e gesto aki Fundashon Alelimo ke ilustrá e importansia di Tumba Hubenil i tambe ke pone lus riba Dibo komo e tumbero ku mas a bishitá e hóbennan durante preparashonnan di Fundashon Alelimo pa Festival di Tumba Hubenil, for di aña 2013.