WILLEMSTAD.- Fundashon Bírgen di Rosario ta organisá djabièrnè awor, 14 di febrüari pa 10 or di mainta e di dos edishon di e jump up pa grandinan di Huize Welgelegen, Nos Lanterno, Pasadia Mi Amparo i Ricardushuis.
E tema dje aña aki lo ta’ Fantasia den fondo di Laman’. Material for di den naturalesa i material ku por wòrdu resiklá a keda usá pa krea e trahe pa e grandinan.
E jump up lo kuminsá riba e lugá di Parker di Huize Welgelegen (Habaai) i e ruta lo kue direkshon di Panaderia Isa kaminda lo bira i bin bèk e punto di salida.
Fundashon Bírgen di Rosario ta invitá komunidat kompletu pa bin presensiá e jump up i apoyá e grandinan.