WILLEMSTAD.- Kòrsou pronto lo tin un festival mas agregá na e diferente festivalnan anual.
Riba 2 di yüli próksimo Fundashon Bon Intenshon lo organisá e promé Festival Di Pueblo.
Ta e intenshon pa e festival aki bin bèk kada aña riba dia di Bandera.
Nos lo selebrá e festival aki den Otrobanda den estrecho koperashon ku tur otro stakeholder. Lo sera Breedestraat for di Neto Bar te Brionplein, p’asina henter e área ei bira un área aksesibel pa públiko.
Lo transformá Breedestraat den un área festivo, kaminda lo tin aktuashon di e.o. bandanan lokal, típiko nan di Kòrsou, lo tin tènt nan di kuminda krioyo i tambe lo tin benta di boka dushi i otro kosnan kultural kurasoleño.
Entrada ta grátis i e Festival ta kuminsá pa 1’or di mèrdia i ta kaba 7’or di anochi. Pronto lo sigui mas informashon riba e promé edishon di Festival di Pueblo.