WASHINGTON, MERA, AFP.- E fundashon ku Bill i Melinda Gates ta dirigí a pidi kolaborashon internashonal pa fábrika un vakuna kontra COVID-19 i distribuí esaki rònt mundu. Ademas, e pareha a anunsiá ku lo kontribuí ku 150 mion dòler pa yuda paisnan pober kombatí e pandemia.
“Ku mas di 100 proyekto di vakuna den kurso, nos mester di mas grupo internashonal pa supervisá e esfuersonan aki i haña esun mas eksitoso pa kuminsá plania esaki su produkshon”.
Segun Gates, e gobièrnunan mester uni nan esfuerso i plaka “pa e vakuna ta aksesibel na un kantidat grandi di persona, un kampaña mundial ku lo kosta miónes di dòler”.
