WILLEMSTAD.- Despues di selebrashon di e diferente aktividatnan i ku e kulminashon di e marchanan di Karnaval 2018, entrega di premio ta e evento ku gruponan i pueblo di Kòrsou ta sperando.
Esaki lo tuma lugá djadumingu 18 mart próksimo na Marjorie’s Party Palace ( pegá ku Hòfi Bill), di 3’or mèrdia pa 6’or atardi lo entregá premio na Elekshon nan Hubenil, Festival di Tumba Hubenil, Marcha Hubenil i Marcha di Kabai 2018.
Anochi di 7’or pa 11’or di anochi lo entregá na Elekshon nan Tiner i Grandi i Marchanan di Tiner i Grandi 2018.
Karchinan pa e okashon aki ta limitá i ta optenibel na telefòn 526-0475 òf djaweps i djabièrnè di 7’or anochi pa 10’or na Roodeweg 174 i djasabra mainta di 10’or pa 2’or di mèrdia.
Preis pa karchi lo ta 5 florin pa mucha i 10 florin pa adulto.
Fundashon J.A.G. ta gradisí hinter pueblo di Kòrsou un biaha mas pa a duna di nan parti tambe pa por a hasi e temporada di Karnaval 2018 unu asina grandi i eksitoso.