WILLEMSTAD.- Despues di un eksitoso Inskripshon di Tumba Hubenil estilo di Tumba di Hende Grandi, kaminda e hóbennan a bai inskribí na maneranan kreativo (riba bròmer, baiskel, den wabi etc etc). Awor Fundashon J.A.G. huntu ku Fundashon Alelimo ku ta unu dje pianan di Fundashon J.A.G. ku ta hasi e parti di Tumba Hubenil ta bini ku “Pre selekshon tumba Hubenil”.
Meskos ku na Tumba Grandi tin e promé, di dos i di tres  anochi di tumba, awèl Fundashon J.A.G. huntu ku Fundashon Alelimo ta bai trese e promé i di dos dia di pre selekshon ofisial di partisipantenan pa Festival di Tumba Hubenil, kual lo bai tuma lugá dia 11 i 12 di novèmber 2018  próksimo den Because Entertainment Center pa selekshoná e 15 partisipantenan ku ta bai pa e final di Tumba Hubenil 2019.
Nan lo interpretá tumbanan eksistente di aña nan 70 i 80, di kual Junior All Star a reskatá den un bachi nobo (ku areglo nobo) bou di enkargo di Gedion Chandler.
Kòrsou kompletu ta invitá pa ban sostené nos futuro tumberonan grandi, hóbennan ku yen di talento i kurashi.
Djasabra 10 di novèmber lo ta 5 or pa 8 or i djadumingu 11 di novèmber lo ta di 4 or pa 8 or. Entrada lo kosta solamente 10 florin, entrada pa mucha bou di 4 aña ta pòrnada.
Djadumingu 11 di novèmber lo saka e 15 finalista nan. Bini unu, bini tur Fundashon J.A.G. i Fundashon Alelimo ta invitá bo.
E hóbennan ku ta bai presentá ta: Aalijah Heyliger – 14 aña – di 3 partisipashon; Brithney Augusta – 12 aña – di 2 partisipashon; Chariluska Fransisca – 10 aña – promé bia; Charlson Mercelina – 13 aña – di 5 partisipashon; Chrysandher Leonora – 12 aña – promé bia; Cynarah Hart – 15 aña – promé bia; Darlisha Valks – 10 aña – promé bia; Errol Coredero Reyes – 15 aña – promé bia; Genesis Martina – 14 aña – promé bia; Judrien Torbed – 12 aña – promé bia; Lisanne Thomasia – 15 aña – di 5 partisipashon; Marweny Mathew – 15 aña – promé bia; Naemy Kirindongo – 15 aña – di 5 partisipashon; Quegenah Dorand – 9 aña – promé bia; Quincy Gregorius – 13 aña – promé bia; Raynisha Decaster – 12 aña – promé bia; Shentily Zimmerman – 15 aña – di 4 partisipashon; T'kayley Polonius – 10 aña – di 2 partisipashon; Tyrese Candelaria – 12 aña – promé bia; Xiandrah Statia – 13 aña – promé bia; Zouk'aino Jacobs – 10 aña – di 2 partisipashon.
Eksito na tur partisipante.