WILLEMSTAD- Fundashon JAG ku ta e organisashon ku a risibí di parti gobièrnu e enkargo pa organisá Karnaval  2018 ta anunsiá ku nan a habri inskripshon pa elekshonnan di Reina, Prens i Pancho hubenil, Reina, Prens i Pancho grandi, Rei i Reina tiner i tambe pa festival di tuma hubenil.

E periodo ku kandidatonan por inskribí ta entre awor te i ku dia 31 di òktober 2017. Manera ta konosí preparashonnan pa e tipo di aktividatnan aki ta eksigí basta rekisito. Ta bon pa hasi bo inskripshon trempan pa asina bo por ta bon prepará pa otro aña na momentu ku e elekshonnan tuma lugá.

Tur e elekshonnan i e festival di tumba hubenil tin nan eksigensianan i esakinan ta lo siguiente. Pa e elekshon di Reina, Prens i Pancho hubenil e partisipante mester tin nashonalidat Ulandes, su edat mester ta entre 7 pa 12 aña. E partisipante mester por komportá bon.

Pa haña mas detaye i pa inskribí pa e sekshon aki, mester tuma kontakto ku e siguiente number di telefòn, 685-0475 òf riba facebook di Fundashon JAG. Pa e elekshon di Rei i Reina tiner e partisipante mester tin nashonalidat Ulandes, e mester tin tambe un sédula bálido i mester ta entre 13 pa 17 aña.

E partisipante mester por komportá bon. Pa haña mas detaye i pa inskribí pa e sekshon aki, mester tuma kontakto ku e siguiente number di telefòn, 685-0475 òf riba facebook di Fundashon JAG. Mester agregá ku tantu skol komo organisashonnan ku tin gruponan di bario di hubentut por partisipá.

Den e sekshon pa elekshon di Reina, Prens i Pancho grandi e partisipante mester tin nashonalidat Ulandes, e mester tin tambe un sédula bálido i su edat mester ta 18 aña pa riba. E partisipante mester por demonstrá un bon kondukta. Pa risibí mas detaye i pa inskribí pa e sekshon di adulto, mester tuma kontakto ku e siguiente number di telefòn, 685-0475 òf riba facebook di Fundashon JAG.

I pa loke ta festival di tumba hubenil, tambe tin su eksigensianan i esakinan ta ku kada partisipante mester tin nashonalidat Ulandes i e edat mester ta entre 9 pa 15 aña. Kada partisipante ku inskribí lo mester demonstrá di por komportá bon. Pa inskripshon pa Tumba hubenil, mester tuma kontakto ku e siguiente number di telefòn, 522-0486 òf riba facebook di Fundashon JAG.