WILLEMSTAD.- Ayera mainta na Misa di Sta. Maria a tuma lugá un Santo Sakrifisio di Misa kaminda Fundashon JAG a pidi pa gradisí pa e temporada di Karnaval 2018 ku ta tras di lomba. Miembronan di direktiva di JAG i tambe Fundashon Karnaval di Banda Abou huntu ku tur e embahadornan di Karnaval a asistí pa dje forma ei gradisí e Ser Supremo. Riba foto por apresiá momentu ku miembronan di direktiva di JAG i tambe FKBB huntu ku baluartenan a bin dilanti pa risibí bendishon serka Pastor Curtis Meris.