WILLEMSTAD.- Un djadumingu sumamente eksitoso ta loke ku Fundashon JAG huntu ku Fundashon Alelimo a eksperensiá na Inskripshon Ofisial pa Festival di Tumba Hubenil 2019 i pa e tres diferente elekshonnan pa Embahadornan di Karnaval 2019.
Un atardi ku promé ku 4 or ya tabatin hóbennan kompañá pa nan mayornan pa por a inskribí nan mes. Un atardi ku a transkurí ku masha euforia i yená ku koló i ambiente di e manera ku e hóbennan a bin inskribí nan mes. Di un forma “Kreativo Karnavalesko”.
Fundashon JAG a trese un Inovashon pa asina motivá nos hóbennan pa inskribí i sinti nan mes importante pa ku kada aktividat ku nan ehersé. Un rèkòrt a wòrdu kibrá un biaha mas na inskripshon pa Karnaval 2019.
Inskripshon a será pa 6.15 pm i a yega na un total: Reina Hubenil un total di 7 partisipante, Prens i Pancho Hubenil a inskribí 3 Duo. Pa loke ta Rei i Reina Tiner un kantidat di 7 Duo, 13 Reina Grandi i 7 Duo pa Prens i Pancho Grandi 2019.
Danki na tur ku ta kere den Fundashon JAG i huntu nos ta bai pa engrandesé Nos Karnaval 2019.