WILLEMSTAD.- Fundashon Kaminda Pa Maduris, awe djamars, 15 di òktober, lo tin un tremendo konsierto pa rekoudá fondo riba Freewinds.
Fundashon Kaminda pa Maduris, ta un fundashon ku a wòrdu lanta  na aña 2006, ku meta pa yuda e hóben ku a bira mama den un edat trempan.
Nan ta guia e hóbennan te ora nan tin un madures ku por sigui ku nan responsabilidat nan komo mayor.
Mirando ku e hóbennan ku ta aserka nos ta bira hopi nos tin medio finansiero pa por sigui yuda tur. Ta p’esei nos di Fundashon kaminda pa Maduris a disidí di organisá e tremendo konsierto ‘One Night To the Moon’, p’asina nan por haña fondo pa por sigui yuda mas di e hóbennan aki.
E konsierto lo tuma lugá awe nochi 8or riba Freewinds i lo konta ku presentashon di Reinier Lijfrock, Boy Thode, Angelo Libinia, Christie Corasol i  Benjamin Emanuel.
Entrada ta kosta solamente 35 florin pa persona. Pa mas informashon por yama 518-4382. Lo tin karchi optenibel na porta. Freewinds ta mará dilanti Luna Blou, na Otrabanda.