WILLEMSTAD.- Fundashon Karnaval Banda Bou a organisá un rueda di prensa pa duna informashon en konekshon ku e rekonstrukshon den kua a pone asera na banda di Kaya Prospero Rojer kua ta e kaya kaminda e marcha di Banda Bou ta pasa.
Pues outonan lo no por bai para a lo largu di e ruta riba e parti aki kaminda asera a wòrdu poné.
Sr. Reggie Huggins a splika ku, en konekshon ku esaki lo tuma e siguiente medida nan:
Lo sera Kaya Prospero Royer te ku e krusada Kaya Johannes Francisco for di 6’or di mainta pa tráfiko motorisá. Por hasi uzo di e entre otro e vèlt di Barber pa stashoná vehíkulo.
Tampoko no por stashoná vehíkulo ni para riba e rotònde na Pos di Gobièrnu.
Sr.  Wilson di brantwer a mustra riba e reglanan ku mester tene na dje pa loke ta trata persona nan ku ta bende kos kantu di kaminda i ku no por para riba ‘brandput’.
Sra. Lisette Jansen a indiká ku tur vehíkulo ku ta partisipá den e marcha ku mester pasa via di Krakeel, Soto i Sta. Cruz pa asina yega na salida di e marcha na Hòfi Abou i mester ta na salida for di 12’or di mèrdia. Gruponan mester ta na salida 1’or i ku e ta konta riba komprenshon i koperashon di pueblo pa asina nos por tin un karnaval eksitoso.