WILLEMSTAD.- Fundashon Karnaval Banda Bou ta invitá pueblo di Kòrsou pa bin selebrá ku nan Elekshon Hubenil i Adulto na Banda Bou.
Esaki nan lo tuma lugá dia 26 yanüari próksimo den Sala Multifunshonal Shon Pe Hooi na Barber.
E promé elekshon lo ta for di 3 or di mèrdia pa 7 or anochi ku lo ta hubenil i pa 8.30 or anochi pa 1 or di mardugá esun Adulto.
Entrada pa Elekshon Hubenil ta 15 florin pa adulto i 5 florin pa mucha, Elekshon Adulto 20 florin pa persona. Karchinan ta optenibel serka tur partisipante i na 4th of July Snack.
Bin sostené nos hóbennan ku lo bira e embahadornan pa nos Karnaval selebrando 50 aña.