WILLEMSTAD.- Djasabra anochi den Sala Multifunshonal Shon Pe Hooi na Barber a tuma lugá elekshon Reina, Prens i Pancho Brindo 2019 pa loke ta Karnaval na Banda Bou.
Un total di 3 Reina i 3 duo a presentá nan mes na e públiko presente pa despues duna nan presentashon, tresiendo un spich kaminda ku ta brinda pa Karnaval 2019.
Na final a resultá ganadó Reina no. 2, srta. Seajae Fraai komo Reina Brindo 2019, komo Duo Brindo a keda eligí Duo no. 2, Jaquire Tweeboom i Clarickson Kraal.
Elekshon final lo ta dia 26 yanüari próksimo, kaminda ku pa 3 or di atardi pa 7 or lo tin Elekshon Hubenil i pa 8.30 or pa 1 or di mardugá, lo tin Elekshon Adulto.
Elekshonnan lo tuma lugá den Sala Multifunshonal Shon Pe Hooi na Barber.
Karchinan ta optenibel serka tur partisipante i tambe na Sede di Fundashon Karnaval Banda Bou na Barber.