WILLEMSTAD.- Preparashon a kuminsá pa selebrashon di Karnaval 2019 na Bándabou ku otro aña ta bai selebrá 50 aña Karnaval na Bándabou.
Den kuadro di esaki a habri inskripshon ofisial pa eligí e embahadornan pa Karnaval 2019, tantu hubenil komo grandi pa Bándabou.
Eksigensianan pa inskripshon ta lo siguiente: Pa elekshon Hubenil: 07 pa 12 aña i pa Elekshon Grandi: 16 pa 23 aña (No mag di tin yu ). Por ta pertenesé na un grupo di Karnaval òf un organisashon, pero por ta individual tambe.
Fundashon Karnaval Banda Bou ta hasi un petishon na skolnan di Bándabou pa manda un representante pa asina yuda engrandesé Karnaval na Bándabou.
Pa inskribí por tuma kontakto via di telefòn na 512-2323 òf 672-884, riba página di Facebook Karnaval di Bándabou i via di e-mail : fundashonkarnavalbandabou@gmail.com.
Ultimo fecha pa inskribí ta dia 14 òktober 2018. Ban duna un man i hasi selebrashon di karnaval na Bándabou aun mas grandi.