WILLEMSTAD.- Fundashon Sentro di Bario Otrobanda ta organisá un tremendo fundraising.
En konekshon ku Dia Internashonal di Mama, Sentro di Bario Otrobanda tin un tremendo fiesta baliabel pa tur nos mamanan por bin kuminsá selebrá sperando e gran dia.
Tur esaki ta tuma lugá djabièrnè awor 3 di mei di 9 or di anochi pa 3 or di mardugá na Sentro di Bario Otrobanda na Sint Martinsteeg # 1.
Animashon musikal lo ta na enkargo di Forsa Dos i dj Danger.
E meta prinsipal dje fiesta aki ta pa rekoudá fondo pa kumpra artíkulonan pa ‘Back to School’.
Karchinan ta optenibel na Sentro di Bario Otrobanda 462-8152, serka Kabuya Grandi na 675-5717, Boy di Bus 84 na 524-2623 i serka Noki na 521-9656.