WILLEMSTAD.- Ayera tardi na Coca Cola a tuma lugá e entrega di mantel i korona na Kantadó Mayó 2018, Furgell Wijngaarden. Fundashon Kultural Seú Kòrsou ayera tardi a organisá un enkuentro ku prensa serka un di nan spònsernan di temporada di Seú 2018 ku ta Curaçao Beverage Bottling Company, konosí komo Coca Cola na Nieuwe Haven. Durante dje atardi ameno a hasi entrega di mantel i tambe e korona na Kantadó Mayó 2018, Furgell Wijngaarden. Ku entrega di mantel i korona e presidente di FKSK, Sr. Lionel Jansen a indiká ku awor Furgell ta kla pa dirigí nos Marcha di Seú 2018. Riba foto nos por apresiá momentu di entrega di mantel i korona kombiná ku e ambiente sosial ku a sigui despues.