BUENOS AIRES.- Informashon a drenta un ratu pasa ku e futbolista argentino Diego Maradona a muri na edat di 60 aña di edat. E promé informashon ta indiká ku el a muri debí na un atake di kurason. Pa basta tempu kaba tin informashon ku e salu di Maradona no ta bon. Maradona den añanan 80 a hasi furor den futbòl hungando ku Boca Juniors, FC Barcelona i Napoli i asta a logra e título mundial pa su pais na 1986. Argentina ta di luto e dianan aki pero no ta e pais natal di Maradona so pasobra na hopi parti di mundu Maradona tin fanátikonan del alma inkluso aki na Kòrsou.

Maradona a kumpli 60 aña 30 di oktober último i manera indiká ya kaba e ta luchando ku su salu pa un tempu kaba. E mester a hasi diferente operashon den último añanan. Diego Maradona un legendario futbolista ku a sa di konkista mundu ku su táktika fenomenal den futbòl. Mas detaye den edishon di EXTRA.

Futbolista legendario Maradona a muri