WILLEMSTAD.- Ayera tardi den un tremendo ambiente na Pizza Hut, Saliña, nos mucha- i hóbennan a skohe nan number di aparishon pa elekshonnan di Reina, Prens i Pancho Hubenil i Rei i Reina Tiner.
Pa duo Prens i Pancho Hubenil 2019 nos tin 3 duo, komo Duo No. 1, Nedion Sluis i Reywentley Koeiman, Duo No. 2, Haydrion Hooi i Angel Gomez i komo Duo No. 3, Jurnick Polonius i Giëndrick Martina.
Pa Reina Hubenil nos tin 7 partisipante, No. 1, Euchenna Hamen, No. 2, Vidailis Lodovica, No. 3, Dianthely Pourier, No. 4, Raisandra Juliana, No. 5, Rishona Rosaria, No. 6 O’Mirila Victoria i komo No. 7 Kydionna Polonius.
Pa Rei i Reina Tiner tin 5 duo partisipante: # 1: Dievenier Hamen i Quiarah Paulina di Maria College VSBO; # 2: Chandel Beker i Nayeli Olbino di Le Plaisir D’Life; # 3: Junny Pieter i Roxenia Rozal di The Cyber Club; Duo # 4: Jordan Martis i Queensheny Lourens i Duo no. 5 representando The Flavor Teens.
Di sr. Juni Aniceta nos a komprondé ku probablemente tin dos skol mas ku lo partisipá den e elekshon Rei i Reina Tiner 2019.
Elekshon Rei i Reina Tiner 2019 lo tuma lugá dia 1e di febrüari 2019 na Kleine Werf di 7 or pa 12 or di anochi, entrada ta 20 florin pa persona. Elekshon Hubenil ta dia 3 di febrüari 2019, den Foodcourt di Sambil i entrada ta grátis.
Bin apoyá nos mucha- i hóbennan paso ta nan lo tin ku kontinuá i tuma over e riendanan di nos Karnaval.