WILLEMSTAD.- Despues di un ousensia di kasi 2 aña, e artista Mason porfin tin un produkshon pa malkriá tur e fanátikonan ku tin un tempu largu ta warda ansiosamente pe regreso di Mason.
E rapper Mason tin 2 aña den studio trahando riba diferente músika i su albùm nobo ku tin e nòmber "Peepertjes".
Peepertjes ta skibi un poko straño, e ta derivá for di e palabra ingles "Paperchase".
E motibu ku Mason a skohe di skibié asin’aki ta dor ku mayoria di nos hendenan ta dominá 4 idioma òf mas, i si bo kue e palabra aki skibié den kualkier manera den kualkier gramátika tòg bo ta pronunsiá e palabra meskos.
E produkshon di e albùm aki ta den man di e dos produktornan di mas talentoso, Sean Cannister i Getamilli. E albùm aki ta konta ku partisipashon di diferente artista invitá manera: Cizzle, Kempi, Tsean, Grif & Nkira.
E promé single di e albùm aki ta titulá "Gas" ft. Kempi & Tsean.
E kantika aki tin e mesun sous ku un dje hit nan mas grandi di Mason ku ta "Kaya ta Hot" i e ta produsí dor di Mason & Getamilli.
E videoclip di e vershon aki tambe ta na kaminda i e ta produsí pa Ibrahim Lucas.