WILLEMSTAD.- Dia 11 di yüli último un grupo di modelo yu di Kòrsou, enkabesá pa Sra. Sherry Alberto, direktor di Mature Model Management,  a biaha pa New York kaminda nan a bai partisipá na e kompetensia di modelahe ku ta wòrdu organisá pa Plitsz Fashion Marketing titulá ‘Fashion Model of the Year Competition’.
E modelonan yu di Kòrsou ku a partisipá den tur e kategorianan tabata: Sju Angely Statie (Kids fashion democracy di 4 pa 8 aña); A'janae Helena (Kids fashion democracy di 9 pa 15 aña); Mary da Camara (Petite model); Geeña Bentoera (Female model); Stephanie Boye (Female model) i Jerrel Helena (Male model).
Den e kompetensia tur e modelonan di Kòrsou a klasifiká pa e rònt final i di nan, Geeña Bentoera ku a kompetí den e kategoria di ‘Female Model a logra di gana e premio máksimo.
E delegashon di ‘Mature Model Management’ ta regresá Kòrsou awe tardi pa 3.30.