WILLEMSTAD.- Genesis e agrupashon musikal ku a debutá durante fin di e siman ku a pasa ke gradisí e alrededor di 400 persona ku a akudí durante di fin di siman na nan gran debut pa nan akto di presensia.
Genesis ta hopi kontentu ku no opstante e krísis ekonómikό ku Kòrsou ta pasando aden nos pueblo ta sali i dibertí  na un manera sano.
Tambe nan kier gradisí tur hende ku tabata presente pa e felisitashon ku nan a ekstendé na e banda pa e tremendo kalidat di músika ku e banda a brinda na e públiko presente.
Hopi hende a papia di un sorpresa sumamente agradabel pa tende un banda nobo nobo brinda músika di un kalidat asina haltu i asina variá. E komentario general tabata: E banda ta zona hopi bon!.
CD NOBO
De paso tambe ta bon pa anunsiá ku Genesis su CD nobo titulá “Lei di Karma” ta riba merkado ku 10 piesa ariba.
Ta trata di un kompakto ku tin 7 komposishon di Ike Jesurun ariba i ku a wòrdu areglá pa e mes. Aserka un komposishon di Dudley Lucia, un di Gibi Doran i un komposishon di Monica Moa Cheia areglá pa Arnel Salsbach.
SALI KAS KU BO BESTIA
Djabièrnè awor Genesis lo ta den Marjorie Party Place den un tremendo fiesta di kòmbèk ku Classic XD huntu ku dj Achi i dj Steven Quan. Djadumingu e banda lo presentá na Hòfi Popo Rojer huntu ku Gio i Ruta.