WILLEMSTAD.- Ya tur hende sa ku djadumingu awor dia 5 di novèmber 2017 nan mester tei na Waaigat pa presensiá e tremendo kareda di patu i ku lo tin hopi aktividat di kual henter famia por disfrutá di dje i pasa un dushi dia. Pero lokual Rotary Club Willemstad no a anunsiá ainda ta ku ‘Gentz’ i ‘ERA’ tur dos lo tei riba e dia espektakular aki pa pone tur hende baila.
E evento ta kuminsá for di 12’or di mèrdia. Gentz ta planeá pa kuminsá toka for di 2.15’or di mèrdia, siguí pa e kareda di patu 4’or i e tremendo klousura pa e banda fenomenal ERA!
E evento ta habrí pa públiko, pero pa gana premio bo tin ku partisipá na e kareda di patu. Pa djòin e kareda mester kumpra karchi pa solamente 10 florin na un di e puntonan di benta pero tambe nan ta disponibel riba e dia di e evento. Te djadumingu. Kuaak!