ITALIA.- E aktor George Cloony a bisa ku e fotógrafonan ku a kapturá imágen di e i su kasa, e abogado di derechonan humano, Amal Clooney, na momentu ku nan tabata kargando nan yunan, ohochi, lo keda persiguí ku tur e rigor di lei.
E potrètnan publiká pa e revista franses, ‘Voice’, a keda tuma na e kas di famia Clooney den e region italiano konosí komo Lombardia.
E revista a promoshoná komo e promé pòtrètnan di Ella i Alexander, ku a nase dia 6 di yüni último.
E aktor a splika ku e fotógrafonan a ‘subi nos kura di kas, subi un mata den e kura i di forma ilegal a saka pòtrèt di nos yunan den nos kas’.
El a agregá ku e agensia di pòtrèt i e revista lo keda konfrontá ku kaso paso e seguridat di su yunan ta eksigí esaki.