Geraldine “Gera” Rodriguez

Na memoria di
sra. Geraldine “Gera” Rodriguez.

Komo Direktiva di Federashon Plataforma Bandabou, nos ta partisipá fayesimentu di señora

Geraldine “Gera” Rodriguez
un muhé ku durante añanan a dediká su mes na lucha pa bienestar, progreso i desaroyo di nos pueblo di Bandabou. Su kompromiso, perseveransia i amor pa Bandabou lo keda komo parti di nos historia.

Nos ta invitá tur organisashonnan afiliá i pueblo di Bandabou pa huntu nos tuma despedida di Gera djaweps, 17 Sèptèmber di 1’or pa 3’or mèrdia na El Tributo (O), siguí pa un rèspòns. Despues nos ta hiba Gera na su último lugá di sosiegu, Santana Katóliko na Barber.

Gera nos ta honra bo lucha.
Nos ta gradisí bo entrega.
I nos lo no lubidá bo legado.
Gera sosegá na pas.
Direktiva
Federashon Plataforma Bandabou