WILLEMSTAD.- Ayera Minister di Enseñansa, Siensia Kultura i Deporte, Sra. Marylin Alcalá-Wallé a risibí bishita di Fundashon J.A.G. i gerensia di Sambil. Minister Alcalá-Wallé a gradisí gerensia di Sambil pa e gesto di kontribuí na selebrashon di Karnaval di Kòrsou. Djadumingu awor elekshon di Reina, Prens i Pancho Hubenil ta tuma lugá den e ‘foodcourt’ di Sambil. Entrada pa e evento aki ta grátis. Riba foto Minister Alcalá-Wallé huntu ku su invitadonan ta pone man huntu pa mustra e union ku mester tin pa desaroyo di Karnaval di Kòrsou.