WILLEMSTAD.- Wikènt tras di lomba tabatin estreno di e obra titulá 'GeslaagT'.  Tantu djabièrnè komo djasabra Landhuis Brakkeput Mei Mei tabata yen yen. E hendenan a hari te lora abou i keda gaba e obra. Djadumingu promé di yüli si lástimamente e obra mester a keda posponé pa motibu di áwaseru fuerte.  E obra ta sigui djadumingu awor 8 di yüli 7’or di anochi na Landhuis Brakkeput Mei Mei. Tur hende ku tin nan karchi di promé di yüli por drenta ku esaki. Pa esnan ku no por bai djadumingu awor por hiba nan karchi na e punto di benta i risibí nan sèn bèk. Abo ku no a haña chèns di wak e djadumingu awor ta bo último chèns pa wak e obra 'GeslaagT'.  Karchinan ta optenibel na Yankee Donuts, St Maria; Sun Specs Renaissance, Fusions, Salinja Galeries; Bugs Bunny Snèk na Mahaai i Fun Miles.