WILLEMSTAD.- Despues di dos eksitoso komedia, “ Desèmber un lokura, Yanüari un sekura” i “Ko’i Hende”,  e duo forma pa Vader Volk i Oompie Stroopie tei presentá pa fin di luna di yüni nan di tres obra humorístiko titulá: ‘GeslaagT’.
E obra ta bai tokante e periodo di resultado di eksámen. Un Mama ku ta mata su kurpa pa su yu bai HAVO pa e por spùit ‘GeslaagT’ riba su glas di outo.
E ta un spil di loke ta biba den nos komunidat, e ta hopi chistoso i e tin un mensahe profundo.
E elenko dje obra ta konsistí di 5 persona:Shervani Balentina: ‘Jadah’, alumno; Suzette Evertsz Eisden: ‘Julisa’, mayor; Sharlene Denisia: ‘Sharine’, dosente; Linzey Jansen: ‘Elsie’, secretaresse i Edion Booy: ‘Raymond’, kabes di skol.
Djaweps awor, 24 di mei e karchinan lo ta riba merkado i optenibel na Mensing’s Caminada, Sun Specs Curaçao, Bugs Bunny Snack i Yankee Donuts na Sta. Maria.