WILLEMSTAD.- Su último grabashon tabata aña pasá i awor Gibi Doran ta bolbe produsí otro piesa ku GIO. E biaha aki Gibi ta graba ‘T’ami so ta karg’é’, su propio komposishon i areglo.
“ Sa tin hende ta hunga inosente komo si fuera ku nan nunka a kibra un kòpi. No husga mi pa fayo den mi bida, pasó e bulto ta mi so ta karga e chubu ei. Ta ken bo ta pa husga nada.
Miéntras bo ta wak den di mi, di bo ta keda hanchu habri, miéntras bo ta wak den mi wea, nan ta bati den bo tayo. Ta mi so ta karga e bulto, preokupá pa bo ‘story’, parti dje letra di otro tremendo komposishon di Gibi ku tremendo respaldo musikal di GIO
Kiko Mas?
Despues ku siman pasa GIO a lansa ‘Mi ta sigui’ kanta pa Tarz, un hóben di 19 aña, e siman aki nan ta lansa un montuno, esaki teniendo na kuenta ku GIO ta presentá den tur ámbito, pues nan ta graba pa ámbos ámbito.
Aworakí ta pendiente pa un piesa mas sali aki dos siman kanta pa Chemz. Despues ta sigui un di Lele Gonzalez.
ULANDA
Awe GIO ta sali pa Ulanda pa dos presentashon. Un na Ulanda i un na Spaña. Ora nan regresá Kòrsou ta nèt pa e promé kombinashon di GIO i ONE den ‘Sugar’.