WILLEMSTAD.- Awe, djamars 22 di mei, Gigo Martinez ta lansa su siguiente kansion 'Mi otra mitad'. Despues di 'Het is een nacht' ku 'Lo que paso' esaki ta su siguiente kantika pa su label ‘Imperio Nano Music’ aya na República Dominicana.
'Mi otra mitad' ta un komposishon di Gigo Martinez mes i e kantika aki ta areglá pa Edilio Armando Paredes ku aktualmente ta un dje tòp produktornan mundialmente den e género di bachata.
Gigo Martinez ta profilando komo un dje bachatero nan moderno i na Kòrsou aki e ta toka prinsipalmente na lugá nan manera Bar 27, Kokomo beach, Blue Bay i Zanzibar. Tambe e ku su banda ta preparando pa nan promé biahe den eksterior. ‘Mi otra mitad’ ta trata di amor, den bida tin bia un persona no ta realisá ku su pareha ideal, su otro mitar, ta hopi mas serka di lokual e ta kere.