WILLEMSTAD.- Boy Thode ayera tabatin na su enkargo pa e anunsiá e gimmick ku ERA tin pendiente.
Djasabra awor, 7 di mart, Licores Maduro ta lansa e tradishonal ‘Gimmick’ den kuadro dje selebrashon di ERA.
Tradishonalmente ta bende un kantidat limitá di karchi general na preis spesial. Pa e biaha aki a opta pa pone un kantidat di 300 karchi di sekshon general disponibel. E karchinan aki lo ta na benta for di 9or di mainta te ku 1or di mèrdia, tanten tin na stòk. Kada persona por kumpra un máksimo di 2 karchi. Esun ku bini promé ta bebe awa limpi!.