WILLEMSTAD.- Gosa, baila, pasa bon ku 15 tòp artista lokal den un ambiente super dushi den Spoonz.
Pa promé biaha un konsepto di un evento di 3 dia manera sa tin ku festivalnan grandi pero den un konsepto di fiesta.
Djaweps, 7 desèmber nos ta bai rekordá e dushi tempu nan di Facade ku Gibi i Orkesta huntu ku e front fuerte di e temporada aki: Luwi Jano, Tico Libiee, Clarck "Yuyu" Zalm i direktamente for di Ulanda Clifton End ku dj Jörgel.
Djabièrnè, nos ta bai rekordá e dushi tradishon di djabièrnè di Gio Fuertisimo huntu ku e front hopi eksitoso di e temporada aki: Djudju V, Dibo D, Roald Balentien i Clarck "Yuyu" Zalm.
E djabièrnè ta bai tin un ‘twist’ diferente kompará ku e tradishon normal kaminda e ‘Friday tradition’ ta bai topa e artista di momentu den urban, Dongo.
Anto pa ‘spice up’ e djabièrnè ta bai tin dj Carlito i MC Chris Strick ku sigur meimei di Gio Fuertisimo ku Dongo ta bai sòru pa e anochi bira unu karga ku hopi ambiente.
Djasabra, 9 desèmber ta bai ta e chèri riba e bolo ora riba e delaster dia Gio Legends presentá tur e hit nan grandi di e historia di Gio ku DjudjuV, Roald Balentien, Clarck "Yuyu" Zalm i Dibo D.
Anto komo atrakshon speshal riba djasabra ta bai tin den e front di Gio Legends Hunnely, Amos Balentien i Gigi ku ta bai interpretá nan hitnan i pa promé biaha hitnan di Gio.
DJ RO1 ta bai tene e públiko kayente meimei di Gio Legends & Stars.
Un konsepto úniko ku sigur abo komo baidó di bon ambiente no por bai pèrdè.
Ta bai tin spesial di 100 karchi di ‘early bird’ pa tur 3 dia pa solamente 50 florin despues karchi nan ‘presale’ ta bai bira djaweps, 25 florin anto djabièrnè ku djasabra no por kumpra apart si no un pakete di 50 Florin.
‘Presale ticket’ pa tur 3 dia ta kosta 75 florin. Pa pakete nan di VIP single, table i booth yama 513-2841.
‘Extravagance Event’ kier a gradisí nan spònsernan Emergency Printing, Chez Sussanne i United Projects ku ta hasi e evento aki posibel. Pa mas informashon check e página di Facebook di ‘Extravagance Events’.