WILLEMSTAD.- Dilanti di un bon públiko a tuma lugá djasabra anochi ‘The Caribbean Gospel Song Festival 2018’ den sala di eksibishon di WTC.
Kantantenan sea komo solista, duo, trio i kuarteto a partisipá na festival di kanto.

PREMIASHON
E kantante mas popular a resultá Wesley Sint Jago di Boneiru. E premio pa e kantante original a bia pa Giora Sempai-Ajauwna di Sürnam ku a interpretá su propio komposishon titulá “ I’ll give you praise”.
Terser finalista kategoria solista: Yanet Reynoso Sanchez di República Dominicana, el a interpretá e kansion ‘Mujer Enfodexada’. Segundo finalista a resultá Edson Nahr di Kòrsou, ku a interpretá e komposishon propio ‘Holy City’. Carlos Salsbach, di Kòrsou, a resultá e promé finalista kantando e kansion ‘Que me falte todo menos tu presencia’. E ganadó apsoluto den kategoria di solista a resultá Giora Sempai-Ajauwna ku a interpretá su propio komposishon titulá ‘I’ll give you Praise’.

DUO/ TRIO/ KUARTETO
E duo mas popular a resultá Rose-Marina Reed i Rochelina Reed di Kòrsou.
Segundo finalista a resultá e trio forma pa Stephanie Abraham, Yanet Reynoso Sanchez i Luis Miguel Perez de la Cruz di República Dominicana. Nan a interpretá e kansion ‘Alfa y Omega’.
Promé finalista e resultá e duo di Kòrsou forma pa Rose-Marina Reed i Rochelina Reed. Nan a interpretá e kansion ‘The Lamb has Overcome’. Ganadó apsoluto den e kategoria aki a resultá e kuarteto forma pa Regina Haakmat, Marville Vrede, Joyce Brathwaite-Weltevreden i Giora Sempai-Ajauwna. Nan a kanta ‘Great is they Faithfullness’.
Riba fotonan un reportahe di e premiashon na final dje festival di kanto.