WILLEMSTAD.- Ku presentashon di nan trahe ayera nochi Grupo Aloha definitivamente ta kla pa bai selebrá nan di 15 aniversario di un forma grandi.
‘Gitanonan di Aloha di Fiesta’ ta e tema ku e grupo ta presentá pa Karnaval 2018, un fantasia di ‘Gypsy’.
Pa e selebrashon di 15 aña Grupo Aloha a bai di biahe pa hasi prèt i bochincha. Ayera nochi Aloha a presentá 6 diferente trahe, 2 pa hende hòmber i 4 pa e damanan, kada un ku un toke distinto pa satisfasé nan miembronan.
E trahe ta kolorido ku kolo kòrá i blou komo esnan mas dominante. Miembronan di Grupo Aloha a aseptá e trahe i tabata realmente kontentu ku e presentashon. Riba fotonan nos por mira e presentashon di trahe di Grupo Aloha rumbo pa selebrá nan di 15 aniversario.