WILLEMSTAD.- Djadumingu atardi na Rincon Cubano a tuma lugá e presentashon di trahe di ‘Glitzy Carnival Group’.
‘Glitzy’ ta pendiente pa partisipá den Karnaval 2020 su Gran Marcha ku un grupo presentando e tema ‘Heaven on Earth’. E intenshon ta pa e grupo partisipá ku entre 75 pa 100 miembro.
E grupo a presentá diferente trahe i nan animashon musikal lo ta na enkargo di dj Decky.
Pa mas informashon por bishitá e página di Facebook ‘Glitzy Carnival Group’ i por yama tambe 524-5455 òf 524-6688. Riba potrèt nos por apresiá e trahenan di ‘Glitzy’ ku a keda presentá ayera.