NEW YORK, MERKA, AFP.- Gobernador di New York, Andrew Cuomo ku a wòrdu akusá ku intimidashon seksual di 11 muhé i petishonnan di renunsia di su kompañeronan demókrata, a anunsiá su renunsia.
Esaki ta un sla formal pa Cuomo di 63 aña, kende a wòrdu elogiá pa su maneho di e pandemia di COVID-19. Aktualmente e a akusá ku intimidashon seksual i denunsianan ku el a kubri e magnitut di mortonan den kasnan di ansiano.
E vise gobernador Kathy Hochul ta remplasá Cuomo. E gobernador a ninga tur akusashon di intimidashon seksual menshoná den un informe i publiká siman pasá pa fiskal general di New York, Letitia James.
No opstante, el a bisa ku e ta “kier pidi diskulpa, profundamente” na tur muhé ku el a ofendé ku su aktonan.
“Mi ta demasiado informal ku hende”, asina e gobernador saliente a bisa. “Mi por brasa i sunchi hende kasualmente, hòmber i muhé. Mi a hasi esaki henter mi bida”.
Cuomo a bisa ku Hochul ta “inteligente i kompetente”. Hochul lo bira e promé muhé gobernador di New York.
Cuomo a renunsiá algun dia despues ku un di su asesornan prinsipal a renunsiá i despues di un denunsia di un eks asistente ehekutivo, Brittany Commisso.
Commisso a deskribí den su denunsia ku Cuomo a mishi kuné na su pechu i su atras.