WASHINGTON, AP.- E gobièrnu di presidente Donald Trump a pone fin na e forma mas popular di biahe entre Merka i Cuba, prohibiendo e transporte ku barkunan krusero. E intenshon ta pa suprimí e fluho di dòler pa e gobièrnu di e isla.
E biahenan di krusero entre Merka i Cuba a kuminsá mei aña 2016 despues di e aserkamentu di presidente Barack Obama i e isla. Esaki a kombertí den e modalidat prinsipal di biahe turístiko di Merka pa e isla, ku un total di 142.721 persona representando un oumento di mas di 300% durante e mesun periodo na aña 2018.
E restrikshonnan nobo ta parti di un kampaña di Trump su gobièrnu pa drai bek e akshonnan di Barack Obama adoptá pa restourá e relashon entre Merka i Cuba.
Departamento di Tesoro a bisa ku e sanshonnan lo drenta na vigor djárason despues ku Federal Register publiká esaki.
E asesor di seguridat nashonal di Merka, John Bolton a kalifiká Cuba komo parti di un “trio di tirania” huntu ku Nicaragua i Venezuela.
E gobièrnu kubano a generá miónes di dòler ku biahenan krusero. Ademas, Cuba a kombertí den e destino mas pidí pa mayoria krusero ku sede na sùit di Florida.