MERKA.- Drake e último simannan a pasa hasiendo donashon na personanan i skolnan na Miami i awor ku su videoclip nobo titulá “God’s Plan”, bo ta haña e oportunidat pa mir’é hasi donashon kalkulá na 1 mion dòler.
‘E presupuesto pa e video aki ta 996.631,90 dòler, asina un mensahe na inisio di e video ta indiká. ‘Nos a hasi donashon di tur, no bisa e label’.
E video ta mustra Drake drenta un supermarket i ta bira anunsiá na tur e klientenan ku tur loke ku nan ke den e negoshi ta grátis. Despues bo ta mir’é ta saludo e klientenan den e supermarket.
Un mama ku yu tambe ta keda sorprendí na momentu ku e ta entreganan plaka efektivo. Drake ta bisa e yu pa e sòru pa kuida su mama, “ni maske kiko bo hasi, esei ta tur loke nos tin. Konfia den mi, e ta mi mundu tambe”.
Despues ku Drake a lansa e video kua e ta konsiderá e kos di mas importante ku el a hasi den su karera, el a subi Instagram i a skibi un mensahe pa su fanátikonan.
“Mi no ta den reta niun hende, pero awe mi ke reta tur hende pa sali i hasi algu pa un hende, kualke kos, e kos di mas chikí pa bo hasi un hende kontentu i ‘tag’ mi den esaki pa mi por mira tur e amor ku ta keda kompartí”. Drake a sigui skibi, “Bo no mester toka e kansion den background, o pone un ‘hashtag’, esaki no ta relashoná ku ‘streaming’ òf otro tipo di táktika, djis bai i hasi bon den kualke forma ku bo por i laga nos tur wak kon Mundu por ta bon ku otro, asta si esaki ta pa 24 ora... Danki!”.