Golbert "Bibi" Gonet

Gradisimentu i Invitashon
Mama, yunan, kompañera, rumannan i demas famia di e defuntu:

Golbert "Bibi" Gonet

Ke gradisí tur hende ku a mustra atenshon i a kompañá nos na ora di fayesementu i selebrashon di bida pa kas selestial di nos defuntu stimá. Un danki spesial na: dr. Jacobus, dr. Paredes, dr. Meyer, dr. Vasquez, siruhanonan dr. Boye i dr. Bonafastia, zùster Philips di afdeling B1 i e team kompletu di intensive care di CMC.
Un danki tambe na tur ku a manda flor, krans i ku a duna sosten via medionan sosial. Boso sosten tabata un gran konsuelo pa nos. Alabes nos ke partisipá ku tin un Santo Sakrifisio di Misa na La Bírgen di Fatima Parokia di Suffisant, djasabra 1 yüni 2024 pa 6or di atardi. Aseptá esaki komo un invitashon personal.