WILLEMSTAD.- E kompania General Mills ku ta establesé na Ohio Merka a para benta i laga hala aden sierto tipo di ariña di traha pan debí ku tèstnan di laboratorio a konfirmá presensia di e bakteria E. Coli O 26. A konkluí ku probablemente e bakteria E. Coli O 26. ta den e produkshon di ariña ku ta riba merkado. Alabes ta bisa ku no a registrá ningun kaso di malesa relashoná ku esaki. Ta trata di produkshon ku ta bin den saku di 5 Liber ku e siguiente denominashon(nan).
Ariña di Pan marka “GOLD MEDAL Unbleached All Purpose Flour” di 5 Liber, Fecha di vensementu 6 di sept. 2020, Kòdiko di produkshon 016000 196100 (UPC).
E. Coli O 26 ta un bakteria ku normalmente ta biba den tripa di bestia. Probablemente e grano ku ta traha ariña di pan a keda kontaminá durante e proseso di kosecha.
Ora un persona kome e ariña ku ta kontaminá ku e bakteria di E. Coli O 26por resultá ku e bakteria ta kousa kram den barika, diarea, keintura, i sakamentu.
Medida: Na Kòrsou tambe servisio di THZ di GMN a enkontrá algun paki di e ariña ariba menshoná i a laga saka esakinan for di merkado i distruí esakinan.
E departamentu di THZ di GMN lo sigui ku kontròlnan. Den kaso ku tin e ariña ku e spesifikashon(nan) ariba menshoná na kas, no usa esaki i tira esaki afó. Limpia i desinfektá tur kaminda ku e ariña a mishi kuné.
