WILLEMSTAD.- Ayera nochi na Museo di Kòrsou den ‘West-Indische Zaal’ a tuma lugá un konsierto pa Museo di Kòrsou rekoudá fondo pa kompra di un ‘Schimmel Grand Piano’.
Den pasado e ‘grand piano’ di Museo di Kòrsou a sirbi su propósito durante di apertura di eksibishon i konsiertonan.
Aktualmente e no ta den kondishon mas i mester wòrdu remplasá. E okashon a presentá aworakí pa Museo di Kòrsou por optené un ‘Schimmel Grand Piano’ i doño di e grand piano ku a keda usa durante dje konsierto a pone esaki na disposishon di Museo di Kòrsou miéntras e organisashon ta buska fondonan pa por kumpra e grand piano.
E konsierto di ayera nochi a konta ku presentashon di Anna Rabinova, un tokadó di fió di gran renombre internashonal di New York Philharmonic kende a presentá algun komposishon kompaña pa e pianista lokal, Sra. Ilja Huang. E soprano, Vera Wolf a interpretá algun kansion i ‘The Curacao Wind Ensemble’ a kontribuí tambe ku un tremendo presentashon.